ഉത്തരത്തിലിരുന്നത് കിട്ടിയതുമില്ല കക്ഷത്തിലിരുന്നത് പോവുകയും ചെയ്തു എന്ന പഴഞ്ചൊല്ലിനെ അന്വര്ഥമാക്കുന്ന ഒരു വീഡിയോയാണ് ഇപ്പോള് വൈറലാകുന്നത്. ഒരു പുലിക്ക് സംഭവിച്ച അമളിയാണ് വീഡിയോയുടെ ഉള്ളടക്കം. സുശാന്ത നന്ദ ഐഎഫ്എസ് ആണ് വീഡിയോ പങ്കുവെച്ചത്. വിശന്നു വലഞ്ഞു നില്ക്കുമ്പോഴാണ് പുലിയ്ക്ക് കാട്ടുപന്നിയുടെ കുഞ്ഞിനെ മുമ്പില് കിട്ടുന്നത്. ഒന്നും നോക്കാതെ കടിച്ചെടുത്തു. ആ സമയത്താണ് അമ്മപ്പന്നിയുടെ രംഗപ്രവേശം. ‘എങ്കില് ചെറുതിനെ വിട്ടിട്ട് വലുതിനെ പിടിക്കാം’ എന്ന കണക്കുകൂട്ടലില് കാട്ടുപന്നിയുടെ കുഞ്ഞിനെ വിട്ടിട്ട് പുലി അമ്മപ്പന്നിയുടെ പിന്നാലെ പാഞ്ഞു. എന്നാല് അമ്മപ്പന്നി ജീവനും കൊണ്ടോടിയതോടെ പുലി ഇളിഭ്യനായി. തിരിഞ്ഞു നോക്കിയപ്പോള് പന്നിക്കുഞ്ഞിനെയും കാണാനില്ല. കാട്ടിലൂടെ കടന്നുപോകുന്ന റോഡിലാണ് സംഭവം. സംഭവത്തിന്റെ വീഡിയോ ഇതിനോടകം വൈറലായിട്ടുണ്ട്.
Read Moreഒടുവില് കടിച്ചതുമില്ല പിടിച്ചതുമില്ല ! അബദ്ധം കാണിച്ച് ഇളിഭ്യനായി പുലി; വീഡിയോ വൈറല്
